Molibdatlar

Molibdatlar — sulfat və volframat duzlarına analoji olan molibden turşusunun H₂MoO₄ duzları. Bunlar [MoO₄]⁻² [001] oxu üzrə yastılaşmış tetraedrlər əmələ gətirir. Bu pozulma nəticəsində və anionların nisbətən iri ölçülərinə görə molibdatlar ilə sulfatlar arasında izomorfizm müşahidə olunmur. Lakin izostruktur molibdatlar və volframatlar arasında (məsələn: şeyelit və vulfenit qrupları) qismən və ya tam əvəzolunma seriyaları qeyd edilir. Volframatlardan fərqli olaraq molibdatlar molibdenit yataqlarının oksidləşmə zonasının törəmə mineralları olub aşağı temperaturlu ekzogen proseslər zamanı əmələ gəlir.^[1]

1. ↑ Geologiya terminlərinin izahlı lüğəti. Bakı: Nafta-Press, 2006.