Querosenu

El querosenu o parafina ye un llíquidu inflamable y tresparente (o con llixera coloración amarellentada), amiestu d'hidrocarburos, que llógrase de la destilación del petroleu natural.^[1] Usóse de primeres n'estufes y llámpares, y anguaño úsase como combustible d'aviones de reaición y na fabricación d'insecticides. De densidá entemedia ente la gasolina y el gasóil o diésel, úsase como combustible, el JP (abreviatura de Jet Petrol) nos motores a reaición y de turbina de gas o bien s'añede al gasóil d'automoción nes refineríes. Úsase tamién como disolvente y para calefacción doméstica, como dieléctricu en procesos de mecanizáu por descargues llétriques y, d'antiguo, pa llume. Ye insoluble n'agua.