Feststoffraketentriebwerk

E Feststoffrageetedribwärk (au Feststoffragetenaadriib) isch e Rageetedribwärk mit eme Aadriibssatz us feste Material. Dä bestoot us reduzierende und us oxidierende Komponänte. Im Gegesatz drzue git s d Flüssikäitsrageete, wo dr Oxidator au dr reduzierend Dribstoff in flüssiger Form mitgfüert, gmischt sund denn verbrennt wärde. Wenn die bäide Tüpe kombiniert wärde, reedet mä von ere Hübridrageete.

Die eltiste Rageete si Feststoffrageete gsi und e langi Zit het s nume die Rageetenart gee. Im Vergliich zu modärnere Rageetenaadriib häi si zwar e baar Noochdäil, wäge iire Vordäil si si aber bis hüte no wit verbräitet.