Apsis

Suratan puniki indik istilah astronomi. Antuk nyingakin fitur arsitektur, cingak apse.

Apsis inggih punika titik sané pinih doh (apogee) utawi pinih nampek (perigee) saking orbit elips objek saking pusat tarik-menarik, sané katahan pinaka pusat massa sistem.

Titik sané pinih nampek kawastanin periapsis miwah sané pinih doh kawastanin apoapsis. Garis lurus sané nglintangin periapsis miwah apoapsis kabaos garis apsis. Puniki sumbu utama elips, inggih punika garis pinih dawa sané nglintangin elips.

Istilah turunan kaanggén antuk nentuang orbit benda langit. Istilah sané pinih ketah inggih punika perigea miwah apogea, nyihnayang objek sané ngiterin jagaté; miwah perihelion miwah aphelion, nyihnayang objek sané ngiterin matanai. Ring misi Program Apollo, istilah pericynthion miwah apocynthion kaanggén antuk nyihnayang bulan.